A collection of oral narratives and songs of generations...
Title: حەبێ خان
Performer: ناسر ڕەزازی
Category: Goranî
Dialect: Sorani
Audio:
Text:
حەبیبم وەی وەی حەبێ خان
تۆم گوڵە سوورەی لە باخان
بەفری سەر لووتکەی شاخان
تازە بووکی ناو دیوەخان
بۆت نەمام لە دەرد و داخان
دیمەن وێنەی چراخان
بەسە تا کەی بە قوربان
مەمکوژە بە ئێش و دەردان
تا کەی وێڵ و سەرگەردان
کێو و دەشت و چۆڵ و هەردان
کوا بەڵێن و شەرت و پەیمان
لە سەر چی بووی پەشیمان
جا چۆن نەگریم جا چۆن نەڕژێ سەیلی سریشکم وەکوو باران
چۆن هەر وەکوو یەعقووب نەبمە شۆرەیی شاران
لەو یووسفە پرسیومە لە بێگانە و یاران
هەرگیز نیە سۆراخی لە هیچ لاوە دڵی من
تا ئەو ڕۆژەی بمێنم
خاوەنی شەرت و بەڵێنم
بە هۆی تۆوە دەخوێنم
تۆی هەوێن و ڕێنوێنم
تۆی دەمار و ئێسک و خوێنم
کزەی جەرگی بە خوێنم
This corpus is publicly available for non-commercial use under the CC BY-NC-SA 4.0 license. © Copyright 2020 Kurdish-BLARK
This interface was created by Sina Ahmadi based on Jekyll-DB (Jekyll + ListJS + Bootstrap).