A collection of oral narratives and songs of generations...
Title: سەیزادە دووعام لێ دەکا
Performer: ئیبراهیم قادری
Category: Bend
Dialect: Sorani
Audio:
Text:
بەخت و ئیقباڵم نوستووە
تۆزی غوربەت لێم نیشتووە
مەمکووژە مەستت کردووە
ئەی سەیزادە دووعام لێ دەکا
ئاخ بریندارم دەرمانم کە
جا ئەسیری تۆم ئازادم کە
تۆزی غوربەت نیشت لە یارم
شێواوە ناسک و نازدارم
نامدوێنێ یاری پێرارم
عیشق کارێکی گرانە
ئاسان نێ و کاری مەردانە
ئەوەڵ قەدەم سەردانانە
عیشق کارێکی چەتوونە
فێڵی کوێستانی بیستوونە
لە نێو ئاشقان دا مەجنوونە
نە مەجنوونم نە فەرهادم
ئەزیەت کێش و ڕەنج بە بادم
خودا حاسڵ کە مورادم
زوڵفی یاری من ئاڵۆزە
شل و مل و قیت و قۆزە
لێم ناکەی جێژنە پیرۆزە
This corpus is publicly available for non-commercial use under the CC BY-NC-SA 4.0 license. © Copyright 2020 Kurdish-BLARK
This interface was created by Sina Ahmadi based on Jekyll-DB (Jekyll + ListJS + Bootstrap).